بوابة مدرسة طوخ دلكة الثانوية

مدرسة طوخ دلكه الثانوية - إدارة تلا التعليمية - محافظة المنوفية
 
الرئيسيةالبوابةاليوميةس .و .جالأعضاءالمجموعاتالتسجيلدخول

شاطر | 
 

 القرد بتاع موبينيل .. يرفض العودة إلى مصر !

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
wael nagy



عدد الرسائل : 1
العمر : 38
رقم العضوية : 26
تاريخ التسجيل : 17/12/2008

مُساهمةموضوع: القرد بتاع موبينيل .. يرفض العودة إلى مصر !   السبت يناير 10, 2009 11:20 pm

القرد بتاع موبينيل .. يرفض العودة إلى مصر !







في حوار مع "القرد المعجزة" بتاع موبينيل قال القرد ليس من ضمن أهدافي الحالية العودة الى مصر مرة أخرى. وعندما سُئِل عن السبب قال: الأجواء غير صحية وهناك من يتربص بي وأعداء النجاح يحاولون الإساءة إلى في كل مكان

في حوار مع "القرد المعجزة" بتاع موبينيل قال القرد ليس من ضمن أهدافي الحالية العودة الى مصر مرة أخرى.

وعندما سُئِل عن السبب قال: الأجواء غير صحية وهناك من يتربص بي وأعداء النجاح يحاولون الإساءة إلى في كل مكان

وكان القرد الموجود حاليا في جمهورية شومبوجو قد تلقى عدة عروض للإحتراف من الأندية الثلاث الكبرى فى مصر – الأهلي والزمالك والإسماعيلي .

وبسؤاله عن رفضه لهذه العروض قال: بالنسبة لعرض الأهلي هو عرض جيد جدا لكن الأهلي "مالوش في القرود" ومش هايخليني ابقى براحتي .. أنا لا بحب ألعب ولا أجيب بطولات انا بس بحب أطلع أتكلم كلمتين والناس تشوفني وتتكلم عليا واقول إني كبير وجامد أوي والكلام ده مش حيبقى مقبول في الأهلي .. فبلاها الأهلي !

سألناه: طيب وعرض الزمالك يا نجم ؟ قال القرد مجيبا على هذا السؤال: بصراحة عرض الزمالك جيد جدا والزمالك الأجواء فيه مناسبة للغاية أني "أنجم" هناك لأني هاعرف أتكلم كتير ولا هالعب ولا هاجيب بطولات ولا حعمل أي حاجة وفي الآخر حبقى نجم برده زي ما أنا نجم دلوقتي فمش حتفرق كتير معايا .. لكن أهم سبب خلاني أرفض عرض الزمالك أني مش عارف أتكلم مع مين .. كل شوية واحد يتصل بيا يقولي أنا رئيس نادي الزمالك وواحد تاني يتصل ويقولي أنا عضو مجلس إدارة نادي الزمالك وكل واحد بيقول كلام وفي الآخر لقيت نفسي هاتوه معاهم فقلت "أنجم" في حتة تانية وبلاها الزمالك !

أما عرض الإسماعيلي فقال عنه القرد: عرض الإسماعيلي مرفوض شكلا ومضمونا .. الواحد يا عم ما يضمنش نفسه أنت عارف أني – حجمي صغير – وممكن كرسي طايش ولا طوبة ولا حتى واحد يتنرفز فيرمي إزازة ميه تيجي فيا و أروح فيها وأنا مش ناقص !! وعموما نادي الإسماعيلي مكنش هايديني النجومية اللي أنا واخدها في شومبوجو علشان كده عرض الإسماعيلي مرفوض !

وقال قرد موبينيل في آخر حواره: أنا أحب اقول للناس في مصر أني بخير ومتابع الموقف في المنطقة كويس وباشكر كل القرود اللي في المنطقة اللي عاملة ودن من طين وودن من عجين في الكورة وفي كل حاجة تانية !! وبقولهم .. عاشت القرود حرة مستقلة !!!

وأحب أفكرهم بعهدنا المستمر وسياستنا التي وصلت بنا الى قمة الهرم "القرودي" وأسلوبنا ومنهجنا في الحياة وهو ( لا أرى .. لا أسمع .. لا أتكلم ) !!

ملحوظة :

هذه المقالة تحمل رسالة واحدة أتمنى أن تصل لكم جميعا وليس الغرض منها الإساءة لأحد ولكنها رسالة لمن يستطيع أن يستشفها ...
[center]مقتبس : وائل محمود أبو ناجي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد سنبل



عدد الرسائل : 11
الموقع : طوخ دلكه - تلا - منوفية
رقم العضوية : 13
تاريخ التسجيل : 11/12/2008

مُساهمةموضوع: [b]شكرا على المشاركة[/b]   الأربعاء يناير 14, 2009 9:41 pm

شكرا استاذ وائل على المشاركة
بس انا قرأت فى إحدى الصحف ان القرد ال بتكلم عنه وقع خلاص للزمالك
مش عارف هل الخبر صحيح ؟

نتمنى مشاركتك دائما
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
القرد بتاع موبينيل .. يرفض العودة إلى مصر !
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بوابة مدرسة طوخ دلكة الثانوية :: قسم المواد الدراسية :: منتدى التربية الرياضية-
انتقل الى: