اسأل عن أى داء أو أى دواء وإن شاء الله أقدر أرد عليكم ...........

شكرا الى الاخ العزيز honey man
على تلك الموضوعات المتميزة والعديدة ولكنى لاافهم هذا الموضوع فنرجو منه المزيد من التوضيح
ونرجو منة الاستمرار بهذه القوة

زى ما قلت فى العنوان ،، أحيانا بتلاقى نفسك حاسة بتعب وبتروحى لدكتور بيقولك خدى كذا وكذا وكذا وتعالى بعد أسبوع ولا حاجة عشان أعيد الكشف عليكى،، لما بتلاقى نفسك كويسة مبتروحيش بس انتى كنتى عاوزة تعرفى عندك ايه !! وعشان كده عملت الموضوع ده غسألى عن أى مرض عاوزة تعرفى معلومات عنه ، أى دواء عاوزة تعرفى تركيبه ، شغله ، آثاره الجانبية وهكذا .....................

شكرا جدا على هذا الايضاح ايها الطبيب الشهير
واتمنى ان تقول لى اعراض مرض الايدز انا اعلم انة مرض ضعف المناعة فكيف يعلمة المصاب فى البداية
انا منتظر الرد وشكرا مرة اخرى على الموضوعات القيمة

شكرا " Snow White " على سؤالك عن الايدز وهو زى ما قلتى بالظبط " مرض نقص المناعة المكتسبة " بيسببه فيرس اسمه " HIV " ولو فرضنا إن المناعة عبارة عن جيش - وهو كده بالفعل - فإنه بيضرب الجنرالات بتاعة الجيش، نوع من كرات الدم البيضاء اسمها " CD4+ T-Helper Cells " النوع ده من الخلايا هو المسيطر والمنظم لحركة المناعة فى الجسم. وأجدر بالشرح منى ومن غيرى هو الدكتور مصطفى محمود صاحب العلم والايمان وده ارتباط حلقته عن الايدز أنا شفتها قبل كده وبصراحة هى لامة كل حاجة عن المرض ده .
أما عن اكتشافه فالموضوع ده بيتم بالصدفة بمعنى إن المريض لأى سبب من الأسباب بيعمل تحليل دم كامل وبتظهر فيه أجسام مضادة للفيرس بيصنعها الجسم تلقائى ضد الفيرس وضد أى جسم حى غريب بيدخله، عدوى المرض ده بتتم عن طريق الدم فقط بمعنى انتقال جزء من دم المريض لدم الشخص السليم غير كده مبينتقلش المرض، بيظهر بعد من اسبوعين لأربعة أسابيع عليه أعراض إلتهاب عادية وهى ارتفاع فى درجة الحرارة وتضخم فى العقد الليمفاوية واللى للأسف بتخف لوحدها بعد حوالى إسبوعين وبترجع تانى بس بشكل المرض الاساسى بعد 10 سنين بيكون ساعتها استفحل وانتشر فى الجسم كله وييجى شوية التهاب رئوى يخلصه عليه....... ربنا يعافينا ويعافيكم جميعا. أتمنى أكون رديت على سؤالك بشكل كويس ولازلت أنصح بإن اللى عاوز يعرف يعنى ايه أيدز يشوف حلقة الدكتور مصطفى محمود.
ســـــــــــــــــ ســـــــــــــــــــ ســـــــــــــــــلام ـــــــــــــــــلام ـــــــــــــــلام

معنى إللى حضرتك بتقوله إن فى أى مستشفى بيعملوا تحليل للدم قبل ما يعملوا نقل دم

adham كتب:

معنى إللى حضرتك بتقوله إن فى أى مستشفى بيعملوا تحليل للدم قبل ما يعملوا نقل دم

معلش إنى إتأخرت عليك فى الرد بس ده أكيد إنهم لازم يعملوا تحليل للدم وعن تجربة شخصية أخدوا رقم بطاقتى قبل ما أتبرع عشان بقدر الإمكان يحاولوا يقللوا من إنتشار الأمراض اللى بتتنقل عن طريق الدم والأخطاء اللى بتحصل إن ناس ملهاش ذنب إلا إنها احتاجت دم يتنقل لها فيرس الايدز والالتهاب الكبدى وغيره وغيره من المراض اللى بتتنقل عن طريق الدم
أتمنى إنى أكون جاوبت على سؤالك بشكل مرضى ومقنع
ســــــ ســــــــــ ســــــــــــلام ـــــــــــــلام ـــــــــلام